རྒྱལ་ཕྲན་རིམ་བྱུང་གི་མིང་།

རྒྱལ་ཕྲན་ཡུལ་ཡུལ་ན། མཁར་བུ་རེ་རེ་ན་གནསྟེ། རྒྱལ་ཕྲན་བགྱིད་པ་དང་། རྒྱལ་ཕྲན་གྱི་བློན་པོ་བགྱིད་པའི་རང་(རབ)ལ།།

ཞང་ཞུང་ངར་པའི་རྗོ་བོ་ལིག་སྙ་ཤུར། བློན་པོ་ཁྱུང་པོ་ར་སངས་རྗེ་དང་། སྟོང་ལོམ་མ་ཙེ་གཉིས།།

མྱང་རོའི་པྱེད་ཀར་ན། རྗེ་རྩང་རྗེའི་ཐོད་ཀར། བློན་པོ་སུརུ་དང་གནང་གཉིས།།

ཡུལ་གནུབས་ཀྱི་གླིང་དགུའ་ནི་རྗེ་གནུབས་རྗེའི་སྲིས་པ། བློན་པོ་རྨེའུ་དང་གྲོ་གཉིས།།

ཡུལ་མྱང་རོའི་ཤམ་པོ་ན། རྗེ་ལོང་མ་གྱི་བྲོམ་ཚ། བློན་པོ་མྱ་དང་བྲེ་གཉིས།།

ཡུལ་སྐྱི་རོའི་ལྗང་སྔོན་ན། རྗེ་སྐྱི་རྗེའི་མང་པོ། བློན་པོ་ཤེ་འུ་དང་སུག་གཉིས།།

ཡུལ་ངས་པོའི་ཁྲ་སུམ་ན། རྗེ་དགུག་གྲི་འི་ཟིང་པོ་རྗེ། བློན་པོ་མགར་དང་མཉན་གཉིས།།

ཡུལ་དབྱེ་རོ་ཡལ་བཞི་ན། རྗེ་དབྱེ་རྗེ་འི་མཁར་པ། བློན་པོ་དབོ་དང་རྡུག་གཉིས།།                        

ཡུལ་འོ་ཡུལ་གྱི་སྤང་ཀར་ན། རྗེ་འོལ་རྗེའི་ཟིན་བྲང་ཚ། བློན་པོ་རྔོ་དང་དབའས་གཉིས།།

 ཡུལ་རྔེགས་ཡུལ་གྱི་གྲུ་བཞི་ན། རྗེ་རྔོགས་རྗེའི་ལ་བྲང་། བློན་པོ་སས་པ་དང་མྱང་ནད་གཉིས།།

ཡུལ་ཀླུང་རོའི་ཡ་སུམ་ན་རྗེ་ནམ་པའི་བུ་གསེར་ཏི། བློན་པོ་མྱང་དང་སྦྲང་གཉིས།།

ཡུལ་སྲིབས་ཡུལ་ཀྱི་རལ་མོ་གོང་ན། རྗེ་དྲང་རྗེའི་རྣོལ་ནམ། བློན་པོ་ཞུག་ཚམས་དང་དབྲད་གཉིས།།

ཡུལ་རྐོང་ལ་བྲེ་སྣར་ན། རྗེ་རྐོང་རྗེའི་དཀར་པོ། བློན་པོ་མཁར་བ་དང་ཕ་དྲུག་གཉིས།

ཡུལ་མྱང་ཡུལ་གྱི་རྟ་གསུམ་ན། རྗེ་མྱང་ཙུང་སླང་རྒྱལ། བློན་པོ་འོ་རུ་དང་སྤྲགས་གཉིས།།

ཡུལ་དགས་ཀྱི་གྲུ་བཞི་ན། རྗེ་དགས་རྒྱལ་གྱི་སྤྲོག་ཟིན། བློན་པོ་ཕོ་གུ་དང་པོག་རོལ་གཉིས།།

ཡུལ་མཆིམས་ཡུལ་གྱི་དགུའ་ཡུལ་ནའ། རྗེ་མཆིམས་རྗེའི་ནེ་འུ། བློན་པོ་དང་དང་དིང་དི་གཉིས།།

ཡུལ་སུམ་ཡུལ་གྱི་ཡ་སུམ་ནའ། རྗེ་འབལ་ལྗི་མང་རུ་ཏི།  བློན་པོ་རླང་དང་ཀམ་གཉིས།།

             ཡུལ་འབྲོག་མོ་སྣམ་གསུམ་ནའ། རྗེ་སེ་རེ་ཁྲི། བློན་པོ་སྐྱང་རེ་གནག།། རྒྱལ་པྲན་བཅུ་གཉིས་ན། སེ་རེ་ཁྲི་དང་བཅུ་གསུམ། བློན་པོ་ཉི་ཤུ་རྩ་བཞི་ན། །སྐྱང་རེ་གནག་དང་ཉི་ཤུ་རྩ་ལྔ། མཁར་བཅུ་གཉིས་ན་དབུ་ལྡེ་དམ་པ་དང་བཅུ་གསུམ། ཡུལ་བཅུ་གཉིས་ན། བྱང་གི་སྣམ་བརྒྱད་དང་བཅུ་གསུམ། རྒྱལ་དགུའ་སྔོ་བཅུ། བློན་དགུའ་མཆིམས་བཅུ་ཞེས་བྱ་སྟེ། དེ་ཡན་ཆད་ཡ་ཡོགས་(393)ནི། གདོད་བྱི་〔དྲུ་〕མ་གྱི་ནི་རྐྱེན་ཞེས་བྱ་སྟེ། གནའ་ཡུལ་ཡུལ་ན་རྒྱལ་པྲན་དང་བློན་པོ་འདི་ལྟར་བབ་སྟེ། མྱི་མང་གི་རྗེ། ཡུལ་ཆེའི་བདག་བྱེད་བྱེད་པ་ལས། རྒྱལ་པོ་བཙན་བ་དང་། བློན་པོ་འཛངས་པ་དཀུའ་བོ་ཆེ་རྣམས་ཀྱིས་གཆིག་ཤེས་གཆིག་བརླག་(394)སྟེ། འབངས་སུ་བཀུག་ན། མཐའ་མ་འོ་ལྡེ་སྤུ་རྒྱལ་གྱི་དབུ་རྨོག་མ་ཐོབ། མར་ནི་ལྷ་ནར་(395)གྱིས་མནརད། ཐུན་(396)ནི་རྗེ་ཐུན་གྱིས་བཐུན་ཏེ་བགུག་གོ(397)།།

                          རྒྱལ་རབས་རིམ་བྱུང་གི་མིང་།

          ལྷ་གནམ་གྱི་སྟེང་ནས་གཤེགས་པ། གནམ་ལྷབ་ཀྱི་བླ་ན། ཡབ་ལྷ་བདག་དྲུག་བཞུགས་པའི་སྲས། གཅེན་གསུམ་གཅུང་གསུམ་ན། ཁྲི་འི་བདུན་ཚིགས་དང་བདུན། ཁྲི་འི་བདུན་ཚིགས་ཀྱི་སྲས། ཁྲི་ཉག་ཁྲི་བཙན་པོ། ། ས་དོག་ལ་ཡུལ་ཡབ་ཀྱི་རྗེ། དོག་ཡབ་ཀྱི་ཆར་དུ་གཤེགས་སོ། ལྷ་རི་གྱང་དོར་གཤེགས་ན། རི་རབ་ལྷུན་པོ་ཡང་དགུའ་དུད་དུད་(398)། ཤིང་སྡོང་པོ་ཡང་བང་ཐང་ཐང་(399)། ཆབ་ལུ་མ་(400)ཡང་དངོ་སིལ་སིལ་(401)། གོར་ཕ་བོང་ལ་སྩོགས་པ་ཡང་མཉེད་ཁྲུང་ཁྲུང་(402)གིས་ཕྱག་འཚལ་ལོ་བོད་ཀ་གཡག་དྲུག་གི་རྗེར་གཤེགས་སོ། ཐོག་མ་ས་ལ་གཤེགས་པ་ཡང་། གནམ་མཐའ་འོག་གི་རྗེར་གཤེགས་པས། གནམ་གྱི་ནི་དབུས། སའི་ནི་དཀྱིལ། གླིང་གི་ནི་སྙིང་པོ། གངས་ཀྱི་ནི་ར་བ། ཆུ་བོ་ཀུན་གྱི་ནི་མགོ་བོ། རི་མཐོ་ས་གཙང་། ཡུལ་བཟང་། མྱི་འཛངས་ཤེས་དཔའ་རུ་སྐྱེ། ཆོས་བཟང་དུ་བྱེད། རྟ་མགྱོགས་སུ་འཕེལ་བའི་གནསུ། ཚུལ་ཀྱིས་བདམས་(403)སྟེ་གཤེགསསོ། ། རྒྱལ་པོ་གཞན་དང་མྱི་མཚུངས་པའི་ཆོས། པྱག་མཉེད་ཁྲུང་ཁྲུང་གིས་འཚལ་ཞིང་། སླེ་བ་(404)འོད་(405)ཀྱིས་ལེན། མྱི་བཙུན་སོན་པའི་རྣམས། རྗེ་ས་(406)འི་གོས་གྱིན་ཞིང་། སྐྱེས་པ་ཆེད་པོ་(407)རྣམས་བཙུན་པའི་རྣམ་པ་ཡང་དེ་ནང་བྱུང་བ་ཡིན་ནོ། ཤིང་རབས་ཀྱི་ནང་ན་ནི་ཐང་ཤིང་རིང་ནོ་རིང་། ཆུ་རབས་ཀྱི་ནང་ན་ནི་ཡར་ཆུ་སྔོན་པོ་ཆེ། ཡར་ལྷ་ཤམ་པོ་ནི་གཙུག་གི་ལྷ་འོ། གནམ་ལྷབ་(408)ཀྱི་བླ་ན་ཡབ་བླ་བདག་དྲུག་བཞུགས་པའི་སྲས། གཅེན་གསུམ་གཅུང་གསུམ་ན། ཁྲི་འི་བདུན་ཚིགས་དང་བདུན། ཁྲི་འི་བདུན་ཚིགས་ཀྱི་སྲས། ལྡེ་ཉག་ཁྲི་བཙན་པོ། ས་དོག་ལ་ཡུལ་ཡབ་ཀྱི་རྗེ་དོག་ཡབ་ཀྱི་ཆར་དུ་གཤེགས་ནས། ལྷ་སྲས་མྱི་ཡུལ་གྱི་རྒྱལ་མཛད་ཅིང་བཞུགས་པ་ལས། མངོན་དུ་ཐལ་བྱུང་དགུང་དུ་གཤེགས་པ། ལྡེ་ཉག་ཁྲི་བཙན་བོ་དང་། གནམ་མུག་མུག་དུ་བཤོས་(409)པའི་སྲས། མུ་ཁྲི་བཙན་པོ། མུག་ཁྲི་བཙན་པོ་དང་ས་དིང་དིང་དུ་བཤོས་པའི་སྲས། དིང་ཁྲི་བཙན་པོ། དིང་ཁྲི་བཙན་པོ་དང་། སོ་ཐམ་ཐམ་དུ་བཤོས་པའི་སྲས། སོ་ཁྲི་བཙན་པོ། སོ་ཁྲི་བཙན་པོའི་སྲས། དེ་ཁྲི་བཙན་པོ། དེ་ཁྲི་བཙན་པོའི་སྲས། ཁྲི་སྤེ་བཙན་པོ། འདི་ཡན་ཆད་འདྲའ་སྟེ། སྲས་ཆིབས་ལ་ཐུབ་ན། ཡབ་དགུང་དུ་གཤེགས་སོ། །ཁྲི་སྤེ་བཙན་པོ་འི་སྲས། དྲི་གུམ་བཙན་པོ། དྲི་གུམ་བཙན་པོའི་སྲས། སྤུ་དེ་གུང་རྒྱལ། གནམ་ལ་དྲི་བདུན། ས་ལེ་ལེགས་དྲུག་བཤོས་ན། སྤུ་དེ་གོང་རྒྱལ་གྲོངས་ན། གྲང་མོ་གནམ་གསེར་བརྩིག གསེར་བརྩིག་གི་སྲས། ཐོ་ལེག་བཙན་པོ། ཐོ་ལེག་བཙན་པོའི་སྲས། ཤོ་ལེགས་བཙན་པོའི་སྲས། འབྲོང་ཞི་ལེགས་བཙན་པོ། འབྲོང་ཞི་ལེགས་བཙན་པོའི་སྲས། ཐི་ཤོ་ལེག་བཙན་པོའ། ཐི་ཤོ་ལེག་གི་སྲས། ཨི་ཤོ་ལེགས་བཙན་པོ། ཨི་ཤོ་ལེག་གི་སྲས། ཟྭ་གནམ་ཟིན་ཏེ། ཟྭ་གནམ་ཟིན་ཏེའི་སྲས། ལྡེ་པྲུ་བོ་གནམ་གཞུང་བཙན།  གནམ་གཞུང་བརྩན་གྱི་སྲས།  ལྡེ་གོལ།  ལྡེ་གོལ་གྱི་སྲས། གནམ་ལྡེ་རྣོལ་ནམ། གནམ་ལྡེ་རྣོལ་ནམ་གྱི་སྲས། བསེའ་རྣོལ་པོ། བསེ་རྣོལ་པོའི་སྲས། ལྡེ་རྒྱལ་པོ། ལྡེ་རྒྱལ་པོ་འི་སྲས། རྒྱལ་སྲིན་བརྩན། རྒྱལ་སྲིན་བརྩན་གྱི་སྲས། རྒྱལ་ཏོ་རེ་ལོངས་བརྩན། རྒྱལ་ཏོ་རེ་ལོངས་བརྩན་གྱི་སྲས། ཁྲི་བརྩན་ནམ། ཁྲི་བརྩན་ནམ་གྱི་སྲས། ཁྲི་སྒྲ་སྦུང་བརྩན། ཁྲི་སྒྲ་སྦུང་བརྩན་གྱི་སྲས། ཁྲི་ཐོག་བརྩན། ཁྲི་ཐོག་བརྩན་དང་། རུ་ཡོང་ཟ་སྟོང་རྒྱལ་མཚོ་མར་བཤོས་པའི་སྲས། ལྷ་ཐོ་དོ་སྙ་བརྩན། ལྷ་ཐོ་དོ་སྙ་བརྩན་དང་། གནོའ་ཟ་མང་མོ་རྗེ་ཇི་དགོས་(410)སུ་བཤོས་པའི་སྲས། །ཁྲི་སྙ་ཟུང་བརྩན། ཁྲི་སྙ་ཟུང་བརྩན་དང་། འབྲོའ་ཟ་དུང་པྱང་བཞེར་དུ་བཤོས་པའི་སྲས། འབྲོ་མཉེན་ལྡེ་རུ། འབྲོའ་མཉེན་ལྡེ་རུ་དང་། མཆིམས་ཟ་ཀླུ་རྒྱལ་ངན་མོ་མཚོར་བཤོས་པ་འི་སྲས། སྟག་བུ་སྙ་གཟིགས། སྟག་བུ་སྙ་གཟིགས་དང་། འོལ་གོད་ཟ་སྟོང་ཙུན་འབྲོ་གར་བཤོས་པའི་སྲས། ། སློབ་བཙན་རླུང་ནམ། སློན་བཙན་རླུང་ནམ་དང་། ཚེས་པོང་ཟ་འབྲིང་མ་ཐོག་དགོས་སུ་བཤོས་པའི་སྲས། སྲོང་ལྡེ་བརྩན། སྲོང་ལྡེ་བརྩན་དང་། མོང་ཟ་ཁྲི་མཉེན་ལྡོང་སྟེང་དུ་བཤོས་པ་འི་སྲས། གུང་སྲོང་གུང་རྩན། གུང་སྲོང་གུང་རྩན་དང་། ཁོན་ཅོ་མང་མོ་རྗེ་ཁྲི་སྐར་དུ་བཤོས་པའི་སྲས། མང་སློན་མང་རྩན། མང་སློན་མང་རྩན་དང་། འབྲོའ་ཟ་ཁྲི་མ་ལོད་ཁྲི་སྟེང་དུ་བཤོས་པ་འི་སྲས། འདུས་སྲོང་མང་པོ་རྗེ། འདུས་སྲོང་མང་པོ་རྗེ་དང་། མཆིམས་ཟ་བཙན་མ་ཐོག ཐོག་སྟེང་དུ་བཤོས་པའི་སྲས། ཁྲི་ལྡེ་གཙུག་བརྩན། ཁྲི་ལྡེ་གཙུག་བརྩན་དང་། སྣ་ནམ་ཟའ་མང་མོ་རྗེ་བཞི་སྟེང་དུ་བཤོས་པའི་སྲས། ཁྲི་སྲོང་ལྡེ་བརྩན། ཁྲི་སྲོང་ལྡེ་བརྩན་དང་། ཚེས་པོང་ཟ་རྨ་རྒྱལ་ལྡོང་སྐར་དུ་བཤོས་པའི་སྲས། མུ་ནེ་བརྩན་དང་། ལྡེ་སྲོང་བརྩན། མུ་བརྩན་གདུང་ཆད་ནས། ལྡེ་སྲོང་བརྩན་དང་། འབྲོ་ཟ་ལྷ་རྒྱལ་མང་པོ་རྗེར་བཤོས་པའི་སྲས། ཁྲི་གཙུག་ལྡེ་བརྩན་དང་འུའི་དུམ་བརྟན་(411)(བརྩན)……

«ཏུང་ཧོང་ནས་ཐོན་པའི་བོད་ཀྱི་ལོ་རྒྱུས་ཡིག་ཆ»ལས་བཏུས། ཁོན་ཐར་གྱིས་ཞུ་དག་བྱས།