| རང་རྒྱལ་གྱི་བྱིས་པར་སློབ་གྲྭར་སྐྱེལ་ཁར་དང་བསྐྱལ་རྗེས་སུ་ཕ་མ་སོགས་ཀྱི་མངག་བཅོལ་བྱེད་སྟངས་ཧ་ལམ་འདི་ལྟར་ཡིན་ཏེ། “དགེ་རྒན་གྱི་ཁ་ལོངས། པྲ་ཚེགས་མ་བྱེད། སློབ་ཁྲིད་ལ་ནན་ཏན་གྱིས་ཉོན། སློབ་སྦྱོང་ལ་འབད་བརྩོན་བྱོས། རྩེད་མོ་རྩེ་ནས་མ་འདུག”སོགས་ཟེར་ལ། ཐད་ཀར་སློབ་སྦྱོང་ལ་འབྲེལ་བ་མེད་པ་ལྟ་བུར་དོ་སྣང་དང་མཐོང་ཆེན་མི་བྱེད་པས་རྩེད་རིགས་ཀྱི་རྣམ་པའི་སློབ་གསོ་བྱེད་སྟངས་དེ་དར་ཁྱབ་ལ་གཏོང་མི་ཐུབ་པའི་འདུ་ཤེས་ཤིག་འདུགཡང་བདག་གིས་གོ་ཐོས་ལ། རྒྱལ་ཁབ་རེ་རེའི་སློབ་གསོ་བྱེད་སྟངས་མི་འདྲ་བར་འདུག་ལ། ལྷག་པར་ཨ་རི་ལྟ་བུའི་རྒྱལ་ཁབ་ལ་མཚོན་ན། བྱིས་པ་སློབ་གྲྭར་སྐྱེལ་ཁར་རྒྱུན་དུ་མངག་བཅོལ་འདི་ལྟར་བྱེད། “HAVEFUM”ཟེར་ལ། དོན་ནི་དགའ་དགའ་སྤྲོ་སྤྲོ་བྱོས། ཡིད་ཚིམ་པ་ཞིག་རྩེས”ཟེར་བ་དང་། ཁོ་ཚོའི་སློབ་གསོ་ཡི་བྱིས་པའི་སེམས་ཁམས་ལ་དོ་སྣང་ཆེན་པོ་བྱེད་ཞོར་ཤེས་རིག་དེ་རྩེད་མོ་ཡི་རྣམ་པར་བརྟེན་ནས་བྱིས་པའི་སེམས་སུ་བག་ཆགས་འཇོག་པ་དེ་རེད། ང་ཚོར་མཚོན་ན་ལྷད་མེད་རྣམ་དག་གི་བྱིས་པའི་སེམསས་ཁམས་ལ་དོ་སྣང་དེ་འདྲ་བྱེད་མ་ཐུབ་པར། “སློབ་སྦྱོང་ལ་འབད་པ་བྱོས། རྒྱུགས་འཕྲོད་དུ་ཆུགས”ཞེས་བཤད་པ་དང་། གལ་ཏེ་རྒྱུགས་མ་འཕྲོད་ན་བྱིས་པའི་སེམས་སུ་ཕམ་པའི་སྐྲག་སྣང་དང་ཡིད་ཞིམ་པ། ཁ་མི་གྲགས་པ། ཟེར་རྗེས་འབྲངས་པ། ལྐོག་ངན་དང་ལྐོག་གཡོ་ཡི་སེམས་པ་ཆགས་པ། སྤྲོ་སྣང་མེད་པ། ཅི་བྱེད་འདི་བྱེད་ཀྱི་ངེས་པ་བརྟན་པོ་མེད་པའི་ཕམ་ཁའི་སེམས་པ་ཆགས་པའི་ལམ་དུ་ཞུགས་ཏེ། བྱིས་པ་ནར་སོན་པ་དང་བསྟུན། སློབ་གསོ་ཚད་ལྡན་བྱེད་པའི་གདེང་ཚོད་མེད་པར་བྱིས་པའི་སེམས་ཁམས་འཕེལ་རྒྱས་ལ་ངན་ཤུགས་ཚབས་ཆེན་ཞིག་ཐེབས་དང་ཐེབས་བཞིན་ཡོད་པ་འདྲ། རྩེད་རིགས་སྐོར་ལ་མཐོང་ཆེན་མི་བྱེད་པར་བསླབ་དེབ་རྐྱང་པའི་སྟེང་ལ་བཙན་ཤེད་བཀོལ་ནས་བྱིས་པའི་སེམས་ཁམས་སུ་གཏོར་བརླག་རང་བཞིན་གྱི་སྐྱོན་བརྗོད་མང་བའི་སྣང་ཚུལ་དེ་ལས་ཕམ་པ་མྱོང་མཁན་མང་བ། མི་ལུས་ལ་རྒོལ་རྡུང་བྱེད་པ། ད་རུང་བྱིས་པར་སྙིང་ལ་གཟན་པའི་གཏམ་བཤད་དེ་སེམས་སུ་སྔར་མེད་ཀྱི་རྨ་ཁ་བཟོས་ཏེ།
བག་འཁུམ་དང་སྤོབས་པ་བསམ་གཟིས་ནས་ཉམས་སུ་འཇུག་པ་དང་འདྲ་བར་བྱིས་པ་ལ“ཁྱོད་དུད་འགྲོ་ལྟ་བུ་ཞིག་རེད།”
“ཁྱོད་གླེན་པ་གླེན་རྒན་ཞིག་རེད། ”“ཁྱོད་གསོ་བ་ལས་ཁྱི་ཞིག་གསོས་ན་དགའ། ”“ཁྱོད་ཤི་ན་དགའ”སོགས་ཡིད་ལ་ཤར་ཡང་བཤད་མི་རུང་བའི་སྐད་ཆ་དེ་བརྗོད་པ། བྱིས་པར་རྡོག་ཐོས་རྒྱག་པ་དང་མགོ་དང་ངོ་གང་རུང་ལ་གཅར་ནས་རྨ་ཤུལ་བརྟོལ་བ་སོགས་ལ་མཉམ་འཇོག་བྱས་ཏེ། སློབ་གསོ་ཡ་རབས་སྤྱོད་བཟང་གི་ཕྱོགས་སུ་སྐྱེད་སྲིང་བྱེད་གང་ཐུབ་བྱས་ན་ལེགས།
འབྲོག་ཁུལ་ལ་མཚོན་ན། ཁྱིམ་གཞི་ཐར་ཐོར་དུ་སྡོད་པའི་དབང་གིས་བྱིས་པ་རྣམས་ལོ་བརྒྱད་དགུ་ལ་ཐོན་རག་བར་གཙོ་བོ་འབྲེལ་འདྲིས་བྱེད་ཡུལ་ཁྱིམ་ཚང་གི་ཕ་མ་དང་། ཁྱིམ་མཚེས་ཀྱི་བྱིས་པ་ཉུང་ཤོས་ཡིན་པས། མང་པོར་འབྲེལ་འདྲིས་བྱེད་ཐུབ་ཀྱིན་མེད་པས་བག་འཁུམ་དང་སེམས་ཁམས་རྗེས་ལུས་ཀྱི་རྣམ་པ་ཆགས་འདུགབྱིས་པའི་ཐད་ནས་བཤད་ན། འཇིག་རྟེན་སྟེང་གི་བློ་སྒོ་འབྱེད་པའི་དགེ་རྒན་ཨང་དང་པོ་ནི་ཕ་མ་དང་། ཁྱིམ་ཚང་གི་སློབ་གསོ་ཡིས་བྱིས་པའི་སེམས་ཁམས་འཕེལ་རྒྱས་ལ་བློ་ཡུལ་ལས་འདས་པའི་ཤན་ཤུགས་ཐེབས་སུ་འཇུག་ཐུབ། སྔོན་ཐོན་གྱི་སློབ་གསོའི་རྣམ་པ་སྤྱད་ནས་མ་འོངས་པ་ཁོ་ཚོ་ལ་དབང་བའི་མི་རབས་རྗེས་མ་དེར་ནམ་གསལ་བ་ལྟ་བུའི་ཤེས་རིག་གི་རྨང་གཞི་བརྟན་པོ་ཞིག་ཆགས་སུ་འཇུག་ཐུབ་ན། ད་གཟོད་དགེ་རྒན་ཞིག་ལ་མཚོན་ན། འདི་ཕྱི་ཡི་བྱ་གཞག་གལ་ཆེན་ཞིག་བསྒྲུབས་པ་མ་ཡིན་ནམ། །
རྩོམ་པ་པོ་ནི་ཧི་ནན་རྫོང་སློབ་གསོ་ཅུས་སློབ་དཔྱད་ཁང་གི་ཡིན། |
