ཀྲུང་གོ་བོད་ཀྱི་དྲ་བའི་འཕྲིན།  ཟླ3པའི་ཚེས5ཉིན་གསར་འགོད་པས་མཚོ་སྔོན་ཞིང་ཆེན་འཕེལ་རྒྱས་དང་བཅོས་བསྒྱུར་ཨུ་ཡོན་ལྷན་ཚོགས་ནས་རྒྱུས་ལོན་བྱས་པ་ལྟར་ན། 2010ལོར། མཚོ་སྔོན་གྱིས་འཆར་འགོད་མ་དངུལ་སྒོར་དུང་ཕྱུར42སྤྱི་ཚོགས་ལས་དོན་འཛུགས་སྐྲུན་ཐད་ལ་བཏང་སྟེ། གཙོ་བོ་སློབ་གསོ་དང་འཕྲོད་བསྟེན། རིག་གནས་ལུས་རྩལ་སོགས་ཀྱི་ཐད་ལ་བཀོལ་རྒྱུ་རེད། བཟོ་འགོད་ལས་གཞི་སྐོར་ཞིག་ལག་བསྟར་བྱས་པ་བརྒྱུད་སློབ་སྒྲུབ་ཀྱི་ཆ་རྐྱེན་དངོས་གནས་ལེགས་བཅོས་དང་སྤྱི་སྤྱོད་འཕྲོད་བསྟེན་ཞབས་ཞུ་མ་ལག་འཐུས་ཚང་དུ་བཏང་ནས། སྔར་ལས་ལྷག་པའི་སྒོ་ནས་གཞི་རིམ་མང་ཚོགས་ཀྱི་ལུས་རྩལ་སྒྲིག་ཆས་འཛུགས་སྐྲུན་ལ་ཤུགས་སྣོན་བྱེད་རྒྱུ་རེད། །