ཉེ་ལམ་དྲག་ཆར་བསྟུད་མར་བབས་པས་ཚེས་༢༣ཉིན་གྱི་ཆུ་ཚོད་༡༨དང་སྐར་མ་༣༠ཡས་མས་སུ། རྒྱལ་ལམ༣༡༨པ་སྟེ། ཁྲོན་བོད་གཞུང་ལམ་སྟེང་གི་སྨར་ཁམས་ནས་མཛོ་སྒང་བར་གྱི་ལམ་དུ་གཏོགས་པའི་གྲུ་ཁ་གྲོང་རྡལ་གྱི་གཞུང་ལམ་༡༣པའི་ཉེ་འགྲམ་དུ་ལམ་གཞི་རྡིབ་ནས་འགྲིམ་འགྲུལ་རྩ་བ་ནས་མཚམས་ཆད་པ་རེད།

གནོད་སྐྱོན་བྱུང་གཞུག་ཏུ། བོད་རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ཐིང་གིས་འགན་བླངས་ནས། བོད་རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ཐིང་གི་ལས་གཞི་དོ་དམ་ལྟེ་གནས་ཀྱིས་མི་སྣ་རྩ་འཛུགས་བྱས་པ་དང་། འཕྲུལ་ཆས་ལག་ཆ་གྲ་སྒྲིག་བྱས་ཏེ་གཉེན་སྐྱོབ་ཀྱི་ལས་ཀར་ཞུགས། བཀག་འགོག་ཐེབས་པའི་རླངས་འཁོར་དང་མི་རྣམས་མགྱོགས་མྱུར་དུ་རང་སར་འགྲོ་རུ་བཅུག  མར་རྡིབ་པའི་ས་རྡོ་མང་དྲགས་པས་ཐོག་མའི་ཚོད་དཔག་ལྟར་ན་ཟླ༩པའི་ཚེས་༡ཉིན་ད་གཟོད་རླངས་འཁོར་ཆུང་བ་ཤར་བགྲོད་ཐུབ་པ་རེད།