ཚེས་༢༨ཉིན་གྱི་དགུང་མོར། སྐབས་དྲུག་པའི་ཕྱི་རྒྱལ་གྱི་རྒྱ་ཡིག་སྨྱན་སྦྱོར་ཚན་པའི་ཞིབ་འཇུག་ཟབ་སྦྱོང་འཛིན་གྲྭ་པེ་ཅིང་ནས་སློབ་འགོ་ཚུགས་པ་རེད། རྒྱལ་ཁབ་༢༣ ནས་ཕེབས་པའི་རྒྱ་ཡིག་སྨྱན་སྤྱོར་ཚན་པ༤༠ ཡི་འགན་ཁུར་མི་སྣ་དང་འཐུས་ཚབ་པ་ཉིན་གཉིས་རིང་སློབ་ཚན་ཞིབ་འཇུག་ཟབ་སྦྱོང་བྱེད་པར་ཞུགས་རྒྱུ་ཡིན་པ་དང་། དེ་མུར་ཞིན་ཅང་དུ་བཅར་འདྲི་དང་བརྟག་དཔྱད་བྱེད་རྒྱུ་ཡིན་པ་རེད།

ཞིབ་འཇུག་ཟབ་སྦྱོང་འཛིན་གྲྭ་འདི་ནི་ཀྲུང་གོའི་རྒྱལ་སྲིད་སྤྱི་ཁྱབ་ཁང་གི་ཕྱི་སྡོད་གཞུང་སྒྲུབ་དྲིལ་བསྒྲགས་སི་དང་། ཀྲུང་གོ་མི་དམངས་སློབ་ཆེན་གྱི་གསར་འགྱུར་སློབ་གླིང་གཉིས་ཀྱིས་གཙོ་སྒྲུབ་བྱས་པ་རེད། ཁ་བྱང་ལ་ཞིན་ཅང་དང་བོད་ཀྱི་རིག་གནས་ལོ་རྒྱུས་ཞེས་བཀོད་པ་དང་། དམིགས་ཡུལ་གཙོ་བོ་ནི་ཕྱི་རྒྱལ་གྱི་རྒྱ་ཡིག་སྨྱན་སྦྱོར་ཚན་པ་དག་གིས་ཀྲུང་གོའི་མི་རིགས་དང་ཆོས་ལུགས་ཀྱི་གནས་ཚུལ་སྔར་ལས་རྒྱུས་ལོན་གཏིང་ཟབ་མོ་བྱེད་ཆེད་དང་། ཕྱི་རྒྱལ་གྱི་རྒྱ་ཡིག་སྨྱན་སྦྱོར་ཚན་པ་དག་གི་ལས་ཞུགས་མི་སྣའི་གསར་འགྱུར་ལས་སྒོའི་ཆུ་ཚད་ཇེ་མཐོར་གཏོང་ཆེད། འཛམ་གླིང་གི་ས་གནས་སོ་སོའི་རྒྱ་ཡིག་སྨྱན་སྦྱོར་ཚན་པ་ཕན་ཚུན་བར་འབྲེལ་འདྲིས་དང་མཉམ་འབྲེལ་བྱེད་པའི་གོ་སྐབས་བསྐྲུན་ཆེད་བཅས་ཡིན་པ་རེད།