རི་བོ་གངས་ཅན་ནམ་ཡོངས་གྲགས་སུ་ཧི་མ་ལ་ཡར་འབོད་པ་ནི།   བལ་པོ་དང་ཀྲུང་གོ་གཉིས་ཀྱི་ས་མཚམས་སུ་ཡོད་པའི་རི་རྒྱུད་ཤིན་ཏུ་རིང་པོ་ཞིག་སྟེ།   ནུབ་པ་ཀི་སི་ཐན་གྱི་བྱང་མཐའ་ནས་ལ་དྭགས་ཀྱི་ཡུལ་བརྒྱུད་སྟོད་མངའ་རིས་མཐོ་ལྡིང་གི་ངོས་ནས་ཡར་ཀླུང་གཙང་པོའི་ཤར་ཕྱོགས་ཀྱི་ཉེ་འདབས་བར་བརྐྱངས་ནས་ཡོད་ཅིང་།   འདིའི་རི་རྩེ་ནི་བོད་ལྗོངས་དིང་རི་རྫོང་གི་ལྷོ་ཕྱོགས་ཀྱི་ཇོ་མོ་གླང་མ་ཞེས་འཛམ་གླིང་དུ་ཆེས་མཐོ་ཤོས་སུ་བརྩི་བའི་རི་བོ་ཡིན་ཏེ།   རྒྱ་མཚོའི་ངོས་ལས་རྨིད་བརྒྱད་སྟོང་བརྒྱད་བརྒྱ་གྱ་གཉིས་ཀྱིས་མཐོ་བ་ཡོད།