གཞོན་པས་གངས་སྟོད་ཕྱོགས་ལ་འགྲོ་ཡས་ཡིན།
གཞོན་པས་གངས་སྟོད་ཕྱོགས་ལ་འགྲོ་ཡས་ཡིན།
དཀར་རྒྱན་ཉན་པ་ཙམ་ཞིག་བཞག་ཡས་ཡིན།
གཞོན་པས་བྲག་སྟོད་ཕྱོགས་ལ་འགྲོ་ཡས་ཡིན།
ཏིག་ལབ་ཉན་པ་ཙམ་ཞིག་བཞག་ཡས་མིན།
གཞོན་པས་སྤང་སྟོད་ཕྱོགས་ལ་འགྲོ་ཡས་ཡིན།
རྟ་གདན་ཉན་པ་ཙམ་ཞིག་བཞག་ཡས་ཡིན།
གཞོན་པས་ལྕང་གླིང་ཕྱོགས་ལ་འགྲོ་ཡས་ཡིན།
ཡོག་ཤིང་ཉན་པ་ཙམ་ཞིག་བཞག་ཡས་མིན།
གངས་སྟོད་མར་ཁུ་བཞུར་བཞུར་བཞུར་ཡས་ཡིན།
བཞག་ལ་ཨེ་སོང་མ་སོང་ལྟད་མོ་ལྟོས།
བྲག་སྟོད་ལ་ཕུག་བཞོཊ་བཞོཊ་བཞོཊ་ཡས་ཡིན།
བཞག་ལ་ཨེ་སོང་མ་སོང་ལྟད་མོ་ལྟོས།
མི་འཛོམས་དགུ་འཛོམས་འཛོམས།
གནམ་མཁའ་ཡ་ལ་འཛོམས་དགུ་འཛོམས་འཛོམས།
སྐར་མ་སྨིན་དྲུག་གནམ་མཁའི་རྒྱན་ཆ་རེད།
ས་གཞི་ཡ་ལ་མི་འཛོམས་དགུ་འཛོམས་འཛོམས།
གྲོ་ནས་སྲན་གསུམ་ས་གཞིའི་རྒྱན་ཆ་རེད།
གཞས་རྭ་ཡ་ལ་མི་འཛོམས་དགུ་འཛོམས་འཛོམས།
སྟག་ཤར་འདི་ཚོ་གཞས་རྭའི་རྒྱན་ཆ་རེད།
གནམ་མཁའ་ཡ་ལ་སྐར་མ་སྨིན་དྲུག་འཛོམས།
དེ་ལ་དུ་བ་མཇུག་རིང་ཞབས་འདྲེན་རེད།
ས་གཞི་ཡ་ལ་གྲོ་ནས་སྲན་གསུམ་འཛོམས།
དེ་ལ་ཡུག་པོ་མགོ་ཟོག་ཞབས་འདྲེན་རེད།
གཞས་རྭ་འདི་ལ་སྟག་ཤར་ལྔ་བརྒྱ་འཛོམས།
དེ་ལ་ཞ་ལོང་རྐང་ཀྱོག་ཞབས་འདྲེན་ཞུས།
ལུང་པ་ཆེ་ས་གཅིག་ནས་ཆུང་ས་གཅིག
ཕུང་པ་ཆེ་ས་གཅིག་ནས་ཆུང་ས་གཅིག
གསེར་གྱི་རྟ་ཕོ་བསམས་ནས་བཞོན་པ་མིན།
འགྲོས་དང་གོམ་པ་རྒྱག་སྟངས་མ་ཤེས་ན།
ལུང་པ་ཆེ་ས་གཅིག་ནས་ཆེ་ས་གཅིག
གཡུ་ཡི་རྟ་ཕོ་བསམ་ནས་བཞོན་པ་མིན།
འགྲོས་དང་གོམ་པའི་རྒྱག་སྟངས་མ་ཤེས་ན།
ལུང་པ་ཆེ་ས་གཅིག་ནས་ཆུང་ས་གཅིག
དུང་གི་རྟ་ཕོ་བསམས་ནས་བཞོན་པ་ཡིན།
འགྲོས་དང་གོམ་པའི་རྒྱག་སྟངས་མ་ཤེས་ན།
གསེར་གྱི་རྟ་པོ་བཞོན་ནས་ཡོང་བ་ཡིན།
འགྲོས་དང་གོམ་པ་བསམ་ནས་བཞོན་པ་ཡིན།
རྟ་མང་ལྔ་བརྒྱའི་དཀྱིལ་ལ་ངོ་ཡང་ཚ།
གཡུ་ཡི་རྟ་ཕོ་བཞོན་ནས་ཡོང་བ་ཡིན།
འགྲོས་དང་གོམ་པ་བསམས་ནས་བཞོན་པ་ཡིན།
རྟ་མང་ལྔ་བརྒྱའི་དཀྱིལ་ལ་ངོ་ཡང་ཚ།
དུང་གི་རྟ་ཕོ་བཞོན་ནས་ཡོང་བ་ཡིན།
འགྲོས་དང་གོམ་པ་བསམ་ནས་བཞོན་པ་ཡིན།
རྟ་མང་ལྔ་བརྒྱའི་དཀྱིལ་ལ་ངོ་ཡང་ཚ།
