གཅིག གསེར་ཟངས་བརྒྱ་ལས་ལྷག་པ།
དཔྱིད་གསུམ་དཔྱིད་ཀྱི་དཔྱིད་ཟླ་དང་པོ་ཤར།
ཆུ་སྣ་མ་གཅིག་བརྒྱ་དང་བརྒྱད་ཅུ་ཐམ་པ།
དབྱར་གསུམ་དབྱར་གྱི་དབྱར་ཟླ་ལྔ་པ་ཤར།
མེ་ཏོག་མ་གཅིག་བརྒྱ་དང་བརྒྱད་ཅུ་ཐམ་པ།
སྟོན་གསུམ་སྟོན་གྱི་སྟོན་ཟླ་བརྒྱད་པ་ཤར།
འབྲུ་སྣ་མ་གཅིག་བརྒྱ་དང་བརྒྱད་ཅུ་ཐམ་པ།
ངའི་ཡུར་བུའི་ནང་ལ་ཆུ་སྣ་ལས་ཀྱིས་འཛོམས།
ངའི་ཡུར་ཆུ་སྔོན་མོ་གསེར་ཟངས་བརྒྱ་ལས་ལྷག་པ།
ངའི་འོང་ཁའི་དཀྱིལ་ལ་མེ་ཏོག་ལས་ཀྱིས་འཛོམས།
ངའི་སྲན་མའི་མེ་ཏོག་གསེར་ཟངས་བརྒྱ་ལས་ལྷག་པ།
ངའི་གཡུལ་ཁའི་ནང་ལ་འབྲུ་སྣ་ལས་ཀྱིས་འཛོམས།
ངའི་གྲོ་ནས་སྲན་གསུམ་གསེར་ཟངས་བརྒྱ་ལས་ལྷག།
གཉིས། ཤིང་བཟང་འཁོར་ལོའི་ལ་མོ།
ཤིང་བཟང་འཁོར་ལོའི་ལ་མོའི་ལ་རྩེ་ལ། ལ་རྩེ་ལ།
ལ་རྩེ་ཡ་ལ་ཁ་བ་ཆེ་ཙམ་འདུག་ལ་ཆུང་ཙམ་ཡང་འདུག།
ཁ་བ་ཆེ་བ་རྣམས་གཡག་ཆུང་རོག་པོས་བཅད་ནས་འགྲོ།
ཁ་བ་ཆུང་བ་རྣམས་དྲོད་འཇམ་ཉི་མ་ས་བཅད་ནས་འགྲོ།
ཤིང་བཟང་འཁོར་ལོའི་ལ་མོའི་ལ་དཀྱིལ་ལ། ལ་དཀྱིལ་ལ།
ལ་དཀྱིལ་ཡ་ལ་ཤིང་བཟང་ཆེ་ཙམ་འདུག་ལ་ཆུང་ཙམ་ཡང་འདུག
ཤིང་བཟང་ཆེ་བ་རྣམས་སྟ་མ་སྟ་རེས་བཅད་ནས་འགྲོ།
ཤིང་བཟང་ཆུང་བ་རྣམས་རྒྱ་གྲི་སྐར་མའི་སྨིན་དྲུག་གིས་བཅད་ནས་འགྲོ།
ཤིང་བཟང་འཁོར་ལོའི་ལ་མོའི་ལ་ཞུག་ལ། ལ་ཞུག་ལ།
ལ་ཞུག་མ་ལ་ཆུ་བོ་ཆེ་ཙམ་འདུག་ལ་ཆུང་ཙམ་ཡང་འདུག
ཆུ་བོ་ཆེ་བ་རྣམས་གྲུ་ཤན་རྟ་མགོས་བཅད་ནས་འགྲོ།
ཆུ་བོ་ཆུང་བ་རྣམས་ཀོ་བ་བཏང་ནས་བཅད་འགྲོ།
སོ་ནམ་གྱི་འགྲོས་དང་བསྟུན་པའི་ཟླ་བ་བཅུ་གཉིས་ཀྱི་འབོད་ཚུལ།
ཟླ་བ་དང་པོ་ལ་ ས་གཞི་སྡིང་དྲོད།
ཟླ་བ་གཉིས་པར་ རོལ་ནང་ཤུར་སྒྲ།
ཟླ་བ་བཞི་པར་ ལྗངས་པའི་གཡོག་བཅོས།
ཟླ་བ་ལྔ་པར་ ཁྲ་ཐིང་（མེ་ཏོག་གི་བཞད་ཀ་ཡོད་ཚད་བྱེ་བའི་དུས）
ཟླ་བ་དྲུག་པར་ སྐེ་ཀྱོག（ལོ་ཏོག་གི་འབྲས་བུ་ཅུང་སླེབས་པ）
ཟླ་བ་བདུན་པར་པ ཁྲུལ་ཁྲུལ་ཟླ་བ་（འབྲས་བུ་གང་སར་བཏགས་ནས་ཡོད་པ）
ཟླ་བ་བརྒྱད་པར་ ཐིར་ཟིང་（སྟོན་ལས་ཀྱི་བྲེལ་འཚུབས་ཆེ་བ་）
ཟླ་བ་དགུ་པར་ བསྡུ་རུབ་（འབྲུ་རིགས་སོགས་ལོ་མཇུག་གི་འབྲས་བུ་བསྡུ་བའི་དུས་）
ཟླ་བ་བཅུ་པར་ སྐྱ་ཐེར་（ས་ཞིང་དང་རི་ཀླུང་རྣམས་སྐྱ་ཤས་ཅན་དུ་འགྱུར་བ）
ཟླ་བ་བཅུ་གཅིག། དལ་སྟོང་།
ཟླ་བ་བཅུ་གཉིས། གྲ་སྒྲིག་ཟླ་བ། （ལོ་གསར་གྱི་ཟ་ཆས་སྒྲིག་པ） |
