ཁྲེལ་མེད་རང་ཉིད་ཉམས་པའི་རྒྱུ།།

ཡིན་ཕྱིར་ཁྲེལ་ཡོད་གྲོགས་སུ་ལོངས།།

ཤུན་པས་གཡོགས་པའི་ལྗོན་ཤིང་ལ།།

འབྲས་བུ་སྨིན་པ་མ་མཐོང་ངམ།།

གནོད་སེམས་བྱུར་གྱི་སྣ་འདྲེན་ཉིད།།

ཡིན་ཕྱིར་ཕན་སེམས་གྲོགས་སུ་ལོངས།།

བ་ལ་འོ་མ་མང་བ་དེ།།

ཉོ་བའི་སྐྱེ་བོ་མང་ལ་ལྟོས།།

ལས་ཀུན་འཆོལ་བ་རྣམ་གཡེང་ཉིད།།

ཡིན་ཕྱིར་བསམ་གཏན་གྲོགས་སུ་ལོངས།།

རྩ་བ་བརྟན་པའི་ལྗོན་ཤིང་ལ།།

གཡུ་ལོ་རྒྱས་པ་མ་མཐོང་ངམ།།

ཁོང་ཁྲོས་རང་ཉིད་ཀྱི་རློག་པར་བྱེད།།

དེའི་ཕྱིར་བཟོད་པ་གྲོགས་སུ་ལོངས།།

ནགས་ལ་མེ་ལྕེ་མཆེད་པ་དེ།།

ཆབ་ཀྱིས་འཇོམས་པ་མ་མཐོང་ངམ།།

       དབང་འདུས་ཀྱིས་ཞུས།