བོད་ཀྱི་དགོན་པ་དང་། ལྷ་ཁང་། ཕོ་བྲང་སོགས་ཀྱི་ཡང་སྟེང་དུ་གསེར་ཟངས་ལས་གྲུབ་པའི་གན་ཇི་རའི་ཏོག་འཛུགས་དགོས་དོན་ནི་མིག་གི་མཛེས་རྒྱན་ཙམ་མིན་པར། དེར་བསྟན་བྱའི་ནང་དོན་གཏིང་ཟབ་པོ་ཞིག་ཡོད་པ་འདི་ལྟ་སྟེ། དྲིལ་བུའི་གཟུགས་ལས་དོན་ཡོད་གྲུབ་པ་དང་། བུམ་པའི་གཟུགས་ལས་མི་བསྐྱོད་པ། པད་མའི་གཟུགས་ལས་འོད་དཔག་མེད། འཁོར་ལོའི་གཟུགས་ལས་རྣམ་སྣང་། ནོར་བུའི་གཟུགས་ལས་རིན་འབྱུང་བཅས་མཚོན་པར་བྱེད་པས། དེ་ནི་རྒྱལ་བ་རིགས་ལྔའི་མཚོན་བྱེད་བླ་ན་མེད་པ་ཞིག་ཡིན།